Portieri i skuadrës së Kukësit, Angelo Tafas është shprehur shumë i zhgënjyer në lidhje me barazimin ndaj Partizanit. Ai ka theksuar se objektivi i verilindorëve është titulli kampion.
PRITJA NË FUND – “Pritje të tilla nuk ndodhin shpesh në futboll, nuk di si ta shpjegoj, pasi është instinkt i portierit. Unë punoj shumë në stërvitje dhe kjo gjë del edhe në fushë më pas”.
REZULTATI – “I kënaqur nuk jam me rezultatin, e kemi dominuar kundërshtarin nga pjesa e parë, u kthyem pak mbrapa në pjesën e dytë. Gjithsesi, një pikë është një pikë, pasi vjet kundër Partizanit nuk kemi pasur një bilanc të mirë duke mos ua marrë asnjë pikë”.
GJUAJTJA NGA TIFOZËT – “Shiko, tifozët këtë punë kanë, të acarojnë lojtarët kundërshtarë. Ne duhet t’i respektojmë dhe të respektojmë lojën që bëjmë, nuk dua ta komentoj gjestin e tyre”.
OBJEKTIVI TITULL – “Besoj se do të japim maksimumin për të arritur te titulli kampion dhe duam të marrim maksimumin në çdo ndeshje, që të arrijmë tek objektivi që kemi vendosur ne si klub”, u shpreh Tafas.
