Ministria e Mbrojtjes kërkon shpërblimin e ushtarëve me gjysmë rroge, me argumentimin se iu duhet të shoqërojnë personazhe VIP, ndaj iu duhen para ekstra për t’u mirëmbajtur.
Drafti është paraqitur të miratohet në qeveri, e madje duke u shtuar edhe më shumë të drejta në hetimin e ngjarjeve.
Por vizitat e shpeshta nga personazhet VIP do të kenë kosto edhe për organizimin e qeverive, veçmas personelit e shoqërimit.
Tashmë përmes ndryshimeve të ligjit kërkohet që trupat e policisë ushtarake që angazhohen në këto udhëtime, të përcaktuara nga shefi i Përgjithshëm i Forcave të Armatosura, do të marrin dhe gjysmë page shpërblim, kjo për tu siguruar veshje të posaçme.
Ky përcaktim bëhet në ndryshimin e nenit 41.
Argumentimi i kësaj pike merr shkas nga aktivitetet e shumta të shoqërimit VIP, sigurimit të aktiviteteve civile dhe ushtarake, në kuadër të FARSH-it, ku efektivët e PU-së paraqiten me kostum civil, masa e “gjysmës” së pagës mujore marrë një herë në vit, nuk është e mjaftueshme për t’u paraqitur në formë dinjitoze gjatë gjithë aktiviteteve të mësipërme në harkun e 365 ditëve të vitit.
Por policisë ushtarake u jepet edhe më shumë pushtet në hetimin e ngjarjeve.
Policia Ushtarake nuk mund të jap informacion për çështje nën hetim gjatë fazës së hetimeve paraprake për proçedimet penale të regjistruara në prokuroritë përkatëse, sipas kodit të procedurës penale.
Gjithashtu policia ushtarake merr detyrën që të hetojë ngjarjet dhe në misionet jashtë vendit. Ndërsa për të siguruar personel i jepet e drejta dhe e punësimit nga stafi civil në OPGJ.
