Tirana është një ndër qarqet që vijon akoma me procesin e numërimit të votave për kandidatë.
Ndërkohë nga rezultatet e deritanishme konstatojmë se Fatmir Xhafaj dhe Ornaldo Rakipi kanë thyer herësin dhe kanë siguruar mandatet e tyre në Kuvendin e ardhshëm.
Të renditur në një pozicion jo të sigurt në listë, ata kanë mundur të sigurojnë mbi 10 mijë vota dhe të jenë këshutu pjesë e parlamentit në katër vitet e ardhshme.
Kështu, Fatmir Xhafaj i renditur në vendin e 23 në listën e PS-së së Tiranës, thyen herësin dhe i merr vendin kolegut të tij Eduard Shalsi, i cili renditet i 18 në listë. Ish-ministri i Brendshëm Xhafaj kagrumbulluar 11.756 vota.
Ndërkohë, Ornaldo Rakipi, i renditur i 30 në listën e PS-së së Tiranës ka arritur të fitojë me vota preferenciale, dhe ka siguruar 11.194 vota, duke i marrë mandatin Alqi Bllakos, i renditur i 17 në listën e PS-së së Tiranës.
Duket se në kryeqytet rrezikon mandatin Pandeli Majko dhe Mimi Kodheli.
