Gary Lineker “godet” përsëri qeverinë e Sunak

Pasojat e vendimit të BBC-së për të detyruar Gary Linekerin të “tërhiqet” nga “Match Of The Day” vazhdojnë të dominojnë titujt kryesorë.

Lëvizja e diskutueshme e BBC-së erdhi pasi Lineker kritikoi projekt-ligjin e ri të qeverisë për migrimin e paligjshëm dhe vuri në pikëpyetje përdorimin e tyre të gjuhës ndaj refugjatëve. Ajo u prit me një reagim, pasi disa nga kolegët e Lineker bojkotuan transmetuesin në shenjë solidariteti.

Programi i së shtunës mbrëma zgjati vetëm 20 minuta, pa analiza, highlights apo komente. Komentatorët u kthyen gjatë së dielës mbrëma, por emisioni përsëri zgjati vetëm 20 minuta. Programet e tjera të BBC-së gjithashtu u reduktuan në minutazh.

Vetë i interesuari ka reaguar në faqen e tij zyrtare në Twitter duke theksuar se ndjehet krenar që ka mbi 3 dekada që punon si moderator në “televizionin më të drejtë dhe neutral në botë” por nuk kurseu aspak kunjat për qeverinë duke thënë se “ne (Britania e Madhe) jemi një vënd tolerant, mikpritës dhe shumë gjeneroz”.