Sfida e fundit në kampionat, ajo ndaj Milanit, ka rezultuar me pasoja për futbollistin shqiptar të Atalantës, Berat Djimsiti. Sipas asaj që njofton klubi bergamask, mbrojtësi i kombëtares së Shqipërisë vuan një frakturë në fibulën e këmbës së majtë.
Ai do të nisë edhe programin rehabilitues për t’u rikthyer sa më shpejt në fushën e lojës, edhe pse koha pritet të jetë e gjatë.
Kështu, nis me një lajm negativ ky sezon për 29-vjeçarin që tashmë është shndërruar në një element të rëndësishëm për lojën e trajnerit Gian Piero Gasperini i cili e kishte llogaritur titullar edhe në këtë dy ndeshje të para të Serisë A.
Në sezonin e shkuar, Djimsiti ishte autor i 31 paraqitjeve në elitën italiane me Atalantën duke shënuar edhe një gol e asistuar në një tjetër rast.
Discussion about this post