Po prisnin pagesën prej 500 mijë euro në momentin që janë arrestuar nga policia greke dy shqiptarë. Mediat greke bëjnë me dije se, policia ka zbuluar një parcelë me 467 rrënjë kanabisi në Fthiotidha, e cila kultivohej dhe mirëmbahej nga dy shqiptarë. Dy shqiptarët të moshës 40 dhe 44 vjeç u arrestuan mëngjesin e së martës në mënyrë flagrante nga autoritetet greke, pas një kërkimi dhe hetimi disa mujor.
Protothema.gr shkruan se plantacioni përbëhej nga 2 zona të projektuara posaçërisht, të cilat ishin rrethuar me bimësi natyrore për të siguruar mbulim për kultivuesit e drogës. Nga plantacionit u sekuestruan: -automjeti i përdorur nga autorët për të mbërritur atje, -zorrë për ujitje, 300 metra e gjatë, kanaçe për ujitje, bidon për ujitje dhe kovë plastike me ujë gjithashtu (2) qese plastike, të cilat përmbanin pleh kimik.
Autorëve iu gjetën dhe u konfiskuan një thikë dhe dy celularë. Ndaj njërit prej të arrestuarve ishin në pritje dy urdhër-arreste, për shkelje të legjislacionit për drogën dhe një dënim për vjedhje dhe armëmbajtje pa leje.
Discussion about this post