Gati armët vdekjeprurëse, Australia do t’i dërgojë Ukrainës raketa e municion

Australia do t’i ndihmojë Ukrainës me mbështetje ushtarake në vlerë të 70 milionë dollarëve australianë.

Kryeministri, Scott Morrison ka thënë mëngjesin e sotëm se këto para do të ndahen për ndihmë vdekjeprurëse dhe jovdekjeprurëse.

“Po flasim për raketa, municion, po flasim për mbështetjen e atyre teksa mbrojnë tokën e vet në Ukrainë”, ka thënë ai.

Ai nuk ka dhënë më shumë hollësi, duke thënë se nuk dëshiron ta informojë më tepër Rusinë.

Morrison gjithashtu ka bërë më dije se, Qeveria e tij do të ndajë edhe 35 milionë dollarë australianë për ndihma humanitare në Ukrainë.