Kryetari i Bashkisë së Tiranës, Erion Veliaj ditën e sotme ka shprehur mendimin e tij sa i takon deklaratave paralajmëruese që bëri kryeministri Edi Rama, dy ditë më parë për krizën energjetike.
“Të thuhet e vërteta e shëmtuar, që të përgatitemi”, tha Veliaj.
Ndërkohë, ky i fundit u shpreh se po bëhet thirrje për vullnetarët që të japin kontributin e tyre në mensat të cilat po krijohen, pasi sipas shefit të qeverisë, Edi Rama por edhe krahut të djathtë të tij Erion Veliaj kriza e cila do të vijnë nuk do të ndikoj negativisht tek shqiptarët, pasi shëtit përveçse po i mbyt me krizën , nuk do t’i lërë pa bukë.
Në një intervistë Veliaj mes të tjerash, pohoi se Bashkia e Tiranës ka marrë të gjitha masat për përballimin e çdo situate, që nga qendrat sociale, ndërsa nënvizoi faktin se në kryeqytet askush nuk e mbyll ditën pa bukë.
“Ne kemi një rrjet të mirë të organizuar, vullnetarësh por dhe punonjës. Do të hapim një qendër të re në Kombinat. Me rastin e projektit të rindërtimit, atë qendër në Kombinat po e bëjmë të bukur dhe më të madhe. Për të pasur paketa higjienike, etj. Shihni se sa është çmimi i kontejnerit në Durrës. S’ka ça bën kryeministri. Po rikthehet jeta për të kapur ritmin. Por një makinë nuk shkon nga zero në 100. Ekonomia do të marri kohë që të shkëputet. E shoh te puna jonë. Te çmimi i çelikut, i betonit, i lëndëve të para që përdoren për ndërtim. Bursa që citohej në gara ka lëvizur. Ne jemi thjesht pjesëmarrës në një ekonomi globale. S’jemi anëtarët e OPEC që të vendosim çmimin e naftës. Aq sa e njoh unë Edin, aq sa e njohim të gjithë, më mirë një të vërtetë të shëmtuar, se sa një gënjeshtër. Edhe unë duhet të përgatitemi si bashki, për mënyrën se si ngrohen çerdhet dhe kopshtet psh. Kryeministri bëri gjënë e shtrenjtë, Duhet të mendojmë për zgjedhje afatgjatë.
Nëse qeveria do të mbrojë çmimin e energjisë për familjet, për 5-6 muaj, ose më pak, mos ndoshta mund të ndodh dhe në Tiranë që të aplikohet dhe makina elektrike. Mos është momenti të ndryshojmë çmimin e jetës?! Ky do të jetë një moment reflektimi, jo për të bërë vetëm subvencione. Këta që reagojnë prisja që të merrnin një qese dhe të ndihmonin kur ishte pandemia. Në disa raste kam shkuar vetë në fshatra të thella kur ishte tërmeti, dhe kam çuar ushqime. Duke sharë dhe llomotitur nuk nxjerr gjë. Kushdo që të japë një dorë të japë emrin e tij si vullnetar. E kam gjetur bashkinë e Tiranës pa asnjë mensë. Njeri pa bukë në këtë qytet nuk e mbyll ditën. Kur nuk po lëmë jabanxhinjtë që të vuaj, s’do lëmë njeri në Tiranë që të vuaj. Ndaj mos bëni cinikun, por ndihmoni.”, tha Veliaj.
Kujtojmë se gjatë pandemisë aksioni për të ndihmuar pensionistët me ushqime u kthye në një fushatë propagandë që në realitet ndihmoi shumë pak familje.
