Vijon puna në Partinë Demokratike për procesin e primareve. Ndërkohë kjo forcë politike ka publikuar një udhëzim mbi afatet dhe procedurat e marrjes së propozimeve për kandidatët, që duan të bëhen pjesë e garës.
Data e fundit që është caktuar për dorëzimin e dokumentacionit është data 8 nëntor 2022, ora 20.00. Sipas njoftimit, të gjithë të interesuarit mund të paraqiten pranë KOKOE-së, në selinë qendrore të PDSH-së.
Kryetari i PD-së, Sali Berisha, mbajtjen e primareve e ka cilësuar hap madhor që sipas tij fuqizon demokracinë e brendshme të partisë dhe i jep po ashtu forcë anëtarit për të zgjedhur ata figura, që e përfaqësojnë më mirë.
Discussion about this post