Arabia Saudite tenton të tundojë kampionin e botës, italianin Gennaro Gattuso.
Ditët e fundit, ish-trajneri i Milanit dhe Napolit ka marrë disa oferta tunduese nga disa klube të monarkisë absolute, por ai i ka refuzuar të gjitha.
Sipas raportimeve të mediave italiane, Gattuso ka prioritet marrjen e drejtimit të një skuadre në Europë ndaj edhe nuk po merr një vendim të nxituar për të punuar në Arabinë Saudite.
Herën e fundit “Ringhio”, ishte teknik i Valencias, klub i kampionatit spanjoll. Me “Los Che” rezultatet nuk ishin ato që priteshin, duke bërë që italiani, ta ndërpriste para kohe, aventurën në lindje të Spanjës.
Discussion about this post