Gaza/ 704 të vdekur në 24 orë, UNICEF: 2,360 fëmijë vdiqën në 18 ditë

704 palestinezë, përfshirë 305 të mitur, u vranë në 24 orët e fundit në sulmet izraelite në Rrip. 

Kjo është bërë e ditur nga Ministria lokale e Shëndetësisë e cituar nga Zyra Koordinuese e OKB-së për Çështjet Humanitare. 

Sipas të njëjtit burim, ky është numri më i lartë i vdekjeve në një ditë që nga fillimi i luftës.

Gjithashtu, gjatë 18 ditëve të fundit, Rripi i Gazës ka dhënë një numër vdekjesh tragjike për fëmijët, me raportime për 2,360 të vdekur dhe 5,364 të plagosur për shkak të sulmeve të pandërprera – ose, sipas raporteve, më shumë se 400 fëmijë të vrarë ose të plagosur çdo ditë. Këtë e ka bërë të ditur Unicef.

Ndërsa, tre persona u vranë dhe disa të tjerë u plagosën në një sulm izraelit pranë kampit të refugjatëve Jenin në Bregun Perëndimor, sipas mediave palestineze.

“Një avion izraelit qëlloi të paktën dy raketa në një grup njerëzish pranë kampit Jenin, duke vrarë tre persona dhe duke plagosur disa të tjerë”, raportoi agjencia palestineze e lajmeve Wafa. 

Ushtria izraelite, nga ana e saj, deklaroi në një deklaratë se kishte kryer “aktivitete anti-terroriste” në zonë, por nuk përmendi viktima, duke u kufizuar në specifikimin se nuk kishte të vdekur apo të plagosur në mesin e forcave izraelite.