Interi prej kohësh është në kërkim të një sulmuesi për të zëvendësuar Arnautoviçin dhe duket se një emër i ri është shtuar në listën e Marotës. Bëhet fjalë për sulmuesin e Kombëtares shqiptare, Armando Broja.
22-vjeçari duket se pëlqehet në Milano, ku pas kuqezinjve të Milanit në ndjekje të tij është vendosur dhe Interi siç bën me dije “Gazzetta dello Sport”.
Marko Arnautoviç dhe Aleksis Sançez nuk po bindin në kampion zikaltër dhe për këtë arsye në janar drejtuesit do të synojnë një tjetër sulmues.
I pari në listë është Mehdi Taremi, por pas tij tashmë është Broja, i cili mund të synohet me ngulm nga Interi, pasi i përshtatet pikërisht lojës së Inzagit.
“Ekziston edhe një emër tjetër për të mos u humbur nga sytë. Shqiptari Armando Broja është rikthyer për të luajtur për Chelsean pas një dëmtimi të gjatë. Edhe ai tashmë është ndjekur nga Interi, që kur ishte në Holandë, te Vitesse. Përdorimi i tij i vërtetë te Blutë nga tani deri në janar do të duhet të vlerësohet.”, shkruan ndër të tjera gazeta italiane.
Nëse ky transferim ndodh, atëherë Broja do të jetë shqiptari i dytë në skuadrën e Interit, pas Kristjan Asllanit.
Discussion about this post