Gazetarja e CNN, Isa Soares, ka reaguar lidhur me protestat që po zhvillohen në Shqipëri, duke theksuar se lëvizja e njohur si “Revolucioni i Flamingove” ka tejkaluar tashmë karakterin e saj fillestar mjedisor dhe është shndërruar në një protestë më të gjerë kundër qeverisë së kryeministrit Edi Rama.
Përmes një postimi në rrjetin social Instagram, Soares shkruan se ajo që nisi si një fushatë për mbrojtjen e flamingove dhe vijës bregdetare shqiptare, është kthyer në një lëvizje me dimensione politike dhe shoqërore.
“Ajo që filloi si një fushatë për të mbrojtur flamingot dhe vijën bregdetare të Shqipërisë, tani është zhvilluar në një lëvizje më të gjerë antiqeveritare”, shkruan gazetarja e CNN.
Zhvillimet në Shqipëri kanë tërhequr vëmendjen e mediave ndërkombëtare, të cilat prej ditësh po raportojnë mbi protestat dhe situatën politike në vend. Mes tyre janë CNN, BBC, The Times, Bloomberg, Al Jazeera dhe media të tjera të njohura.
Protestat nisën fillimisht si kundërshtim ndaj projekteve të ndërtimit në zonën e Zvërnecit. Megjithatë, me kalimin e ditëve, ato kanë marrë përmasa më të gjera, duke u kthyer në një shprehje të pakënaqësisë qytetare ndaj qeverisjes së Ramës dhe situatës politike në vend.
Pjesëmarrësit në protesta kanë kërkuar dorëheqjen e Ramës dhe ndëshkimin me burg të tij, si dhe të figurave të tjera politike që kanë uzuarpuar karriget e pushtetit.
Discussion about this post