Gazetari amerikan, i The Wall Street Journal, Evan Gershkovich është akuzuar formalisht për spiunazh.
Gershkovich i ka mohuar akuzat. Gazeta për të cilën ai punonte i ka mohuar akuzat e Kremlinit ndërsa shefi ekzekutiv i WSJ, Dow Jones tha se po punohet intensivisht për të siguruar lirimin e tij.
“Hetuesit e FSB-së e akuzojnë Gershkoviçin për spiunazh në interes të vendit të tij. Ai i mohoi kategorikisht të gjitha akuzat dhe deklaroi se ishte i angazhuar në aktivitete gazetareske në Rusi,” tha një përfaqësues i agjencisë, sipas TASS.
Përfaqësuesi nuk pranoi të komentonte më tej, pasi rasti i gazetarit është cilësuar si “tepër sekret”, tha agjencia shtetërore e lajmeve.
Sa i përket SHBA-ve, administrata e Presidentit Joe Biden po përgatitet ta deklarojë zyrtarisht Gershkovich të arrestuar gabimisht në Rusi. Kjo lëvizje pritet që të nxisë burime qeveritare për të punuar drejt lirimit të tij.
Discussion about this post