Gazetari i njohur Artan Hoxha, i ftuar në emisionin “Opinion”, duke folur për aplikacionet që hakohen lehtë, ka treguar një rast me aplikacionin “Sky”, i cili sipas tij përdorej nga mafia. Ai tha se në fillim ishte Encrochat, i cili u dekriptua lehtë nga policia.
Ndërkohë një aplikacioni “Sky” i cili nuk ishte shumë i njohur dhe mund të komunikonte me persona kriminal në Amerikën Latine. Hoxha tha se pasi e zbuloi se ky aplikacion përdorej akoma, ku më pas u mbyll, mafia i ka thënë se u kishte prishur punë.
“Po tregoj vetëm një rast që kanë përdorur grupet e krimit të organizuar. Ka qenë Encrochat, që u dekriptua. Ky aplikacion përdorej nga 60 mijë njerëz. Nga ai operacion u pa se Shqiptarët e përdornin. Madje pjesa më e madhe ishin shqiptarë. Dhe kur erdhën më panë që unë kisha një Sky më thanë si ka mundësi sepse mafia shqiptare u godit. Nuk u godit u thashë sepse Encrochat nuk përdoret më por përdoret Sky.
Kështu unë kisha kohë që komunikoja me ata të Amerikës Latine. U detyrua qendra e Sky që të bënte deklaratë e të thoshte se aplikacioni nuk ishte thyer. Ata në Amerikën Latine më thanë na prishe punë, pse e the këtë. Dhe çfarë ndodhi, në Mars u thye Sky dhe u kapën 28 ton kokainë. Na u ndërpre dhe komunikimi. Çfarë bënë? Autoritetet amerikane instaluan një tjetër program dhe të gjithë grupet kriminale e instaluan. U zbuluan 300 grupe më vonë dhe u kapën 150 milionë dollarë” – u shpreh Artan Hoxha.
