Gazetari Artan Hoxha ka komentuar në emisionin “Çim Peka live”, në Syri Tv, marrjen në pyetje nga SPAK të ish-ministrit të Shëndetësisë, Ilir Beqja për konçensionin e sterilizimit. Hoxha tha se nëse brenda në seancë Beqajt i kanë thënë prokurorët ‘mos u largo nga Shqipëria’, hapi i radhës është komunikimi i masës së sigurisë.
“Rama po e bën Ilir Beqajn kokë turku. Kjo çështje është mbajtur zvarrë kaq gjatë. Nëse Rama rrezikohet vetë, të lëshon.
Kur je në cilësinë e personit që jep dëshmi, prokurorët në fund të seancës të këshillojnë që mos u largo në këtë periudhë nga vendi.
Nëse i është thënë kjo gjë, parathënie për atë që do ndodhë më mbrapa. Kur të thuhet që s’duhet të largohesh nga teritori, hapi tjetër është komunikimi i masës së sigurisë. Këtë nuk e dimë nëse i është thënë Beqajt atje brenda”, tha Hoxha.
Discussion about this post