Gazetari Ervis Iljazaj paralajmëroi se hetimet e SPAK mund të na çojnë në ndryshimin e klasës politike në vend.
Në emisionin “Zonë e Lirë” tha se nëse deri dje kishim politikën që ndikonte te sistemi i drejtësisë, dhe ky konsiderohej si një formë ekstreme, atëherë ne sot kemi një tjetër ekstrem, që drejtësia sot të ndryshojë klasën politike.
“Mendoj se po ndodh ajo që gjithmonë ndodh, ekstremet sjellin ekstreme. Nëse themi që kemi sot një Republikë të Prokurorëve, atëherë pyetja shtrohet të kujt janë këto prokurorë?
Në të gjithë Ballkanin, drejtësia po trajtohet si politikë e jashtme e SHBA, dhe këto zhvillime që po ndodhin në Shqipëri mendoj se janë me regji”, tha Iljazaj.
Sipas tij, koha do e tregojë nëse do të kemi ose jo një ndryshim të klasës politike, e cila ka bërë shumë zullume, nga ajo që quhet Republika e Prokurorëve.
Discussion about this post