Gazetari Elton Qyno u shpreh se SPAK duhet të punojë dhe t’a kthejë Vangjush Dakon, ish-Kryebashkiak të Durrësit, në bashkëpunëtor të drejtësië.
Në emisionin “Ora e Betit”, Qyno tha se akuza e ngritur nga SPAK për Dakon është pupël, madje ai rrezikon maksimumi 3.4 vite burg, dhe nuk është çudi që të dalë si Saimir Tahiri nëse dënohet.
“Prandaj duhen akuza më të rënda në mënyrë që të kesh më shumë mundësi të dënosh por edhe më shumë të dënuar për një çështje.
Ky është një profil i njeriut me kollare dhe Range Rover dhe jo një profil i një krimineli normal.
SPAK duhet të punojë më shumë me këtë rast për ta thithur atë për ta bërë bashkëpunëtor dhe të rrëfejë shokët e tij në krim.
Por kjo mbetet një ëndërr e jona, pasi askush nga të dënuarit e këtij profili nuk ka bashkëpunuar me drejtësinë ndonjëherë”, u shpreh gazetari Elton Qyno.
Discussion about this post