Një tragjedi ka ndodhur në sallën e konferencave të shtypit gjatë zhvillimit të kohës shtesë mes Holandës dhe Argjentinës, përballje që prodhoi emocione të forta.
Ndërkohë që skuadrat po bënin përpjekjet e fundit për të evituar penalltitë ka ndërruar jetë papritur gazetari dhe bashkëpunëtori i njohur amerikan i Sports Illustrated, Grant Wahl.
Shkaku i mundshëm i vdekjes, sipas raporteve të CBS, ishte një atak në zemër, ndërsa përpjekjet për ta rikthyer në jetë ishin të kota. Siç e kishte deklaruar edhe vetë, Wahl vuante prej ditësh nga një bronkit i bezdisshëm,
Sipas dy gazetarëve të New York Times që ishin të pranishëm, personeli mjekësor tentoi për rreth 20 minuta t’i shpëtonte jetën gazetarit, por mrekullia nuk ndodhi.
48-vjeçari po e ndiqte ndeshjen nga salla e shtypit e stadiumit “Lusail Iconic Stadium”, ndërkohë që shkroi postimin e tij të fundit në Twitter me rastin e golit të barazimit të Holandës.
Discussion about this post