Beheshta Arghand, gazetarja e njohur nga Afganistani e cila bëri histori pasi ishte e vetmja që intervistoi një përfaqësues të talebanëve është larguar nga vendi, për shkak të frikës.
“U largova sepse edhe unë si miliona njerëz të tjerë kam frikë”– ka thënë gazetarja e njohur për CNN. Beheshta Arghand, gazetarja e Tolo Neës intervistoi zëdhënësin e talebanëve Maëlaëi Abdullhaq Hemad më 17 gusht dhe e kritikoi atë për shqetësimet në lidhje me të drejtat e grave pas marrjes së Kabulit nga talebanët dhe rënies së qeverisë Ashraf Ghani.
Intervista u transmetua drejtpërdrejt në kanal dhe bëri bujë pasi gazetarja ishte e vetmja grua afgane që intervistoi një nga luftëtarët talebanë.
Pas zhvillimeve të fundit, gazetarja 24-vjeçare tani është larguar nga vendi sepse ajo mendonte se ishte e rrezikshme për të që të vazhdonte të jetonte në Afganistan. CNN shkruan se ajo fluturoi në Katar të martën me anëtarët e tjerë të familjes së saj.
