Gazetarja Esmeralda Keta ka qenë dëshmitare e ngjarjes së tmerrshme që tronditi ditën e djeshme vendin, ku Joanda Avdia, 7 vjeçe humbi jetën pasi u goditë nga një skaf.
“Nuk e pashë momentin kur ndodhi ngjarja por pashë njerëz që shtrëngonin kokën dhe dëgjuam ulërima. Në momentin e parë kam nxjerrë fëmijët e mi nga deti. Më pas fatkeqësisht pashë trupin e një fëmije në mes të detit”, ka treguar gazetarja.
Ajo ka vazhduar me tëj duke thënë se: Ishte shumë shokuese për mënyrën si e vogla iku nga kjo jetë. Trupi u dëmtua rëndë. Skafi ishte me fuqi motorike shumë të lartë e dëmtoi shumë trupin e të miturës.
Keta tregon se pasi kishte goditur fëmijën drejtuesi i skafit duket se ka humbur kontrollin.
“Skafi kishte humbur kontrollin pasi kishte goditur fëmijën. Këputi dhe litarin e sigurisë. Drejtuesi i mjetit vuri duart në Kokë. Ishte skenë dramatike”
Discussion about this post