Gazetarja e BIRN, Aleksandra Bogdani, u shpreh mbrëmjen e sotme në emisionin “Open” se Mirel Mërtiri, i cili dyshohet gjerësisht si bashkëpunëtor i ish-zv.Kryeministrit Arben Ahmetaj në aferën e inceneratorëve, ka punuar me bashkitë socialiste shumë vite më parë duke përfituar kontrata publike për vendosjen e matësve elektronikë për ujësjellësit.
Sipas saj, asokohe Mërtiri ka përfituar kontrata publike në 6 bashki, duke rrënuar kështu ujësjellësit e këtyre bashkive.
Ajo shtoi se Ahmetaj ka qenë në dijeni të këtyre bizneseve dhe angazhohej në mënyrë aktive që Mërtiri të takohej me kryebashkiakët socialistë të asaj kohe.
“Mërtiri bashkë me grupin e vetë punonte me bashkitë socialiste sepse kishte marrë kontrata për vendosjen e matësave elektronikë. Ishin rreth 6 bashki asokohe dhe pati hetime për këtë aferë që disa ujësjellës i rrënoi fare. Ajo që shohim tani është se Ahmetaj ishte në dijeni të këtyre bizneseve dhe angazhohej në mënyrë aktive që Mërtiri të takohej me kryebashkiakët socialistë”, u shpreh Bogdani.
Discussion about this post