Kryetari i Grupit Parlamentar të PD-së, Gazment Bardhi, e konsideroi Lulzim Bashën si Bafjtar Zeqon e Kuvendit të Shqipërisë.
Bardhi e bëri këtë krahasim me faktin se ashtu si Baftjar Zeqo që vinte në Kuvend vetëm për të votuar ligjet e qeverisë, edhe Basha pas një mungese të gjatë vjen në Kuvend dhe thotë se do të votojë ligjin për rritjen e pagave të anëtarëve të Kushtetueses duke menduar se Edi Rama është burrë i mirë.
“Unë nuk dua të besoj se Lulzim Basha po sillet si Baftjar Zeqo, sikundër nuk mund të besoj se Edi Rama është bërë burrë i mirë, meqë sot paraqet një ligj për rritjen e pagave të anëtarëve të Kushtetueses në 7 mln lekë në muaj. Ky ligj është kapja e Gjykatës Kushtetuese, e cila me anëtarët e saj aktualë ka provuar se është në shërbim të Edi Ramës, pasi nuk ka ndodhur kurrë që ti refuzohet opozitës e drejta e Komisioneve Hetimore”, tha Bardhi.
Ai shtoi se Basha prej 1 viti e gjysëm nuk vjen në Kuvend dhe befas shfaqet për të votuar një ligj që përçon një mesazh për gjithë sistemin e drejtësisë, duke i thënë: nëse doni rritje pagash, silluni si anëtarët e Kushtetueses.
Discussion about this post