Gazment Bardhi mbledh grupin parlamentar, ja mesazhi për deputetët

Gazment Bardhi mbledh sot grupin parlamentar të Partisë Demokratike. Përmes një mesazhi, Bardhi ka njoftuar deputetët demokratë për mbledhjen.

Deputetët e opozitës do të mblidhen në orën 12:00 në sallën e grupit.

“Te nderuar kolegë, ditën e hënë, ora 12:00, do te zhvillojmë mbledhjen e grupit parlamentar, në sallën e grupit. Ju falenderoj!”, shkruhet në mesazhin që kreu i Grupit u ka dërguar deputetëve.

Ndërkohë demokratët do të zhvillojnë protestën e parë për këtë vit në orën 17:00 para Parlamentit kundër mazhorancës socialiste, e cila sipas tyre, po shkel të drejtat kushtetuese të opozitës.

Protesta do të jetë vijimi i aksionit opozitar, pasi opozitës nuk i janë plotësuar kërkesat për ngritjen e komisioneve hetimore dhe ndryshimi i anëtarëve të Komisionit të Reformës Zgjedhore.