Pas më shumë se dy vitesh, Gazment Bardhi, kreu i Grupit Parlamentar të PD-së, do të rikthehet në selinë e kësaj partie.
Sipas raportimeve, Bardhi do të drejtojë mbledhjen e Grupit Parlamentar të demokratëve, e cila do të mbahet në selinë e PD-së, e para kjo, nga momenti që mes grupimit të tij dhe deputetëve që njohin Sali Berishën si kryetar të partisë më të madhe të opozitës, nisën negociatat e bashkimit.
Deri më tani mbledhjet e Grupit Parlamentar të PD dhe partive të tjera opozitare janë zhvilluar ose në zyrën e Kryesisë së Kuvendit, ose në salla të tjera, por jo në selinë e demokratëve.
Mbledhja pritet të përcaktojë ecurinë e aksionit opozitar, por edhe përgatitjet për protestën e 20 shkurtit.
Javën e kaluar, Gazment Bardhi dhe deputetët që e mbështesin iu bashkuan protestës së zhvilluar para Kuvendit, ndërsa më pas ato u shfaqën mes protestuesve në atë që njihet si tubimi i demokratëve në mbështetje të ish-Kryeministrit Sali Berisha, në rrugën pranë apartamentit, ku kreu demokrat prej 30 dhjetorit ndodhet nën masën e sigurisë “arrest shtëpie”.
Herët e fundit që Bardhi shfaqej në selinë e PD-së ishte koha kur ai ishte një prej mbështetësve kryesorë të Lulzim Bashës dhe një nga zërat më kritikë në drejtim të Berishës, ndërsa përplasjet mes grupimit që mbështeste kreun demokrat dhe atyre që ishin rreshtuar në krah të Bashës, ishin në kulmin e tyre.
Discussion about this post