I ftuar në emisionin ‘5 pyetjet nga Babaramos’, Gazment Bardhi ka zbuluar se para se Basha të jepte dorëheqjen, ka pasur një bisedë të gjatë me Bashën dhe ka gjykuar që secila palë të bënte hapa pas. Ai u shpreh se ka qenë në dijeni të vendimit të Lulzim Bashës për t’u dorëhequr përpara se ai ta bënte publike.
“Kam pasur një bisedë të gjatë me Bashën, kam gjykuar që secila palë të bënte hapa pas. I takonte Bashës të bënte hapin e tij në raportin me interesin e partisë. Kam qenë në dijeni përpara shpalljes së dorëheqjes, kam pasur në dijeni disa momente përpara shpalljes publike të vendimit për të dhënë dorëheqjen nga drejtimi i partisë” – tha Bardhi.
Bardhi u shpreh se Kuvendi i 30 prillit ishte një proces i njëanshëm që përçau demokratët dhe nuk është në interesin e tyre për bashkim. Prej 6 muajsh Bardhi thotë se Sali Berisha ka marrë peng PD-në për interesat e tij personale.
“Siç u paralajmërua, ai nuk ishte kuvend i PD-së dhe si i tillë nuk mund të ishte bashkues. I organizuar në mënyrë të njëanshëm do çonte në përçarje të PD-së, ndërkohë interesi i demokratëve do ishte që të kishim një kongres pajtimi, bashkimi. Ka nevojë të nisi një proces bashkimi në bazë, për këtë arsye i bëmë thirrje për një reflektim Berisha duhej të tërhiqej nga ideja për të përçarë partinë, për të krijuar kushte për një PD të bashkuar rreth votës së lirë dhe anëtarëve. Ka një pjesë tjetër në këtë rast e kryesuar nga Berisha, nuk i intereson as bashkimi, por kontrolli i PD-së, për të përdorur atë për interesa personale.
Discussion about this post