CEO i organizatës “Patagonia”, Ryan Gellert ka folur në lidhje me mbrojtjen e Lumit Vjosa. Ai tregoi se si nisi ky mision tejet i rëndësishëm për mbrojtjen e një mrekullie të natyrës.
“Ky është një moment domethënës për konservimin global. Ajo që vërtetohet sot është se shkatërrimi i natyrës nuk duhet të jetë çmimi për zhvillimin.”
Në lidhje me pyetjet e shumta që njerëzit kanë për organizatën e tij ai u tregua i qartë:
“Njerëzisht shpesh pyesin se ça ka një shoqatë nga Kalifornia për mbrojtjen e një lumi këtu.
E kemi nisur me një aktivist vite më parë që donte të mbronte një lum afër firmës sonë dhe sot ja ku jemi, përdorëm çdo mjet dhe instrument për të mbrojtur botën natyrore”, deklaroi Gellert.
Amerikani rrëfeu dhe natën e parë të ardhjes së tij në Shqipëri, duke vënë në dukje dhe bukurinë e ekosistemit pranë Vjosës:
Natën e parë që ndenja në Shqipëri fjeta nën yje në brigjet e Vjosës. Ky është një vend aq i bukur sa asnjë vend tjetër në botë dhe Vjosa degët dhe gjithë ky ekosistem është i rëndësishëm për t’u mbrojtur. Duhet mbrojtur me çdo kusht.
Discussion about this post