Një vogëlushe rreth 1 vjeç e gjysmë, Elettra, është mbytur pasi gëlltiti një tapë shisheje. Pavarësisht përpjekjeve për ta shpëtuar dhe shtrimin e saj në terapi intesive në spitalin e Padovës, ajo s’ka mundur të mbijetojë.
Sipas Il Mattino di Padova, prindërit e vogëlushes kanë bërë menjëherë manovrat e para për të zhbllokuar rrugët e frymëmarrjes, por vajza e vogël kishte gjithnjë e më shumë vështirësi që të merrte frymë.
Babai i Elettra-s më pas vendosi ta çonte vajzën e tij me makinë në spitalin aty pranë, ku mjekët tentuan që ta shpëtonin por pësoi arrest kardiak për shkak të vështirësisë për të marrë frymë.
Mësohet se vajzës iu ishte hequr tapa e shishes nga trakeja, por gjendja e saj vijoi të ishte shumë e rëndë.
Vajza e vogël mbërriti në spitalin e Padovës pak para orës 23:00, por pavarësisht përpjekjeve të mjekëve, humbi jeten mëngjesin e së shtunës.
“Ishte një ditë si shumë të tjera, vajza e vogël po luante e qetë. Më pas, papritur, panik. Vogëlushja jonë nuk është më këtu, kam vështirësi të kuptoj se çfarë ndodhi. Nuk mund të hyj në shtëpi sepse gjithçka më kujton vajzën tonë të vogël”, tha babai i vogëlushes.
Discussion about this post