Deromema tha se nuk ka qenë një proces i thjeshtë, por theksoi se 911 kanë qenë vota të vlefshme nga 1365 anëtarë që ka dega Vlorë e PD. Nuk ka munguar ironia e tij për Bashën pasi u pyet përse janë 150 vota më tepër se më 13 qershor kur votohej për kryetarin e PD.
“Të gjithë anëtarët e PD, dega Vlorë kanë shprehur vullnetin e lirë plot entuziazëm dhe kanë marrë në dorë opozitën e vendit, jo thjesht anëtarët e PD në Vlorë, por të në të gjithë Shqipërinë, opozita do t’i kthehet qytetarëve dhe do të kemi një opozitë reale në Shqipëri. Nga 1365 anëtarë që ka, kanë votuar 913, nga të cilët 911 kanë qenë vota të vlefshme. Kanë votuar kundra 8 anëtarë, të tjerët janë pro vendimit numër 6 të Kuvendit Kombëtar të PD dhe të datës 11 dhjetor, Kuvendit të vërtetë jo thjesht të demokratëve, por të shqiptarëve. Ramën e kemi pasur këtu, për bashkëqeverisje tha por një sy e kishte nga selia e PD. Besoj se nuk ka diskutime për vërtetësinë e këtij procesi”- shprehet Deromema.
Discussion about this post