Ditën e sotme në ambientet e Presidencës u zhvillua ceremonia e betimit të anëtarit të ri të Gjykatës Kushtetuese, Gent Ibrahimi. I pranishëm ishte dhe Kreu i Shtetit, Bajram Begaj.
Pas ekzekutimit të himnit kombëtar dhe leximit të vendimit përkatës të emërimit të tij, Gjyqtari Ibrahimi me dorën mbi Kushtetutën e Shqipërisë u betua para Presidentit të Republikës sipas formulës:
“Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë”. Presidenti i Republikës i uroi suksese Genti Ibrahimi, në detyrën e re të anëtarit të Gjykatës Kushtetuese.
Në ceremoni ishin të pranishëm Kryetarja e Gjykatës Kushtetuese Vitore Tusha, Kryetari i Këshillit të Emërimeve në Drejtësi, Sokol Binaj, Avokatja e Popullit, Erinda Ballanca përfaqësues të OPDAT pranë Ambasadës së SHBA-së në Tiranë si dhe anëtarë të kabinetit të Presidentit të Republikës.
Discussion about this post