Guvernatori i Bankës së Shqipërisë, Gent Sejko, ka paralajmëruar ditën e sotme se rritja e çmimeve do të vazhdojë. Gjatë një fjalimi publik ai ka prezantuar rezultat e BERZH për vendin tonë dhe në të vë theksin te kriza e çmimeve, si dhe te grupet që preken më shumë.
“Bazuar në informacionin aktual, projeksionet tona sugjerojnë se inflacioni pritet të qëndrojë mbi objektiv për pjesën më të madhe të dy viteve të ardhshme. Në të njëjtën kohë, marzhet e fitimit të biznesit do të vihen në presion dhe kostot e shërbimit të borxhit do të rriten, cak do të bëjë që rritja e çmimeve të mos ndalet deri nmë fund të viti. Shqipëria dhe rajoni po përballen me një realitet të ri çmimesh dhe pasigurie në tregjet botërore. Si ekonomi të vogla dhe të hapura, ne nuk mund t’u shpëtojmë pasojave të këtij realiteti. Në vija të përgjithshme, ekonomia shqiptare do të përballet me kosto shtesë për familjet, bizneset dhe bilancet e sektorit publik, për një horizont jo të shkurtër kohor”, u shpreh Sejko.
Gjatë fjalës së tij, Sejko vuri theksin edhe te rritja e Borxhit Publik, i cili është rritur ndjeshëm gjatë dy viteve të fundit për shkak të pandemisë. “Në këtë kontekst, fokusi i autoriteteve publike duhet të jetë i dyfishtë. Së pari, politikat ekonomike duhet të mbrojnë nga pasojat e goditjes shtresat më në nevojë të shoqërisë dhe segmentet më të brishta të ekonomisë, sidomos në planet për uljen e borxhit publik dhe mbajtjen nën kontroll të sistemit fiskal”, tha Sejko. Ndërsa pritet të dalë raporti i plot i BERZH për të parë vlerësimin për vendin tonë, por situata nuk duket aspak optimiste.
Discussion about this post