Skandali me tenderat e AKSH-it! Biznesmeni Gentian Lika mbërrin në SPAK, shoqërohet nga avokati

Gentian Lika, paraqitet në shoqërinë e avokatit në Prokurorinë e Posaçme.

Emri i tij përmendet në dosjen e AKSH-t si një nga përfituesit e tenderëve të këtij institucioni.

Ai është paraqitur pranë SPAK paraditen e kësaj të mërkure, ndërsa ende nuk ka informacion mbi thirrjen e tij në Prokurorinë e Posaçme, apo nëse do t’i komunikohet ndonjë akuzë nga ana e organit procedues.

Të martën e 19 majit, u paraqit në SPAK edhe ish drejtoresha e AKSHI-t, Mirlinda Karçanaj, në kuadër të masës ‘detyrim për t’u paraqitur’ e cila iu zbut me vendim të marrë nga Gjykata e Lartë, ndërsa GJKKO i pakti caktuar masën e sigurisë ‘arrest në shtëpi’.

Kujtojmë që SPAK i akuzon të pandehurit e kësaj dosjeje se kanë vepruar si një grup i strukturuar kriminal për manipulimin e tenderëve të Agjencisë, edhe përmes dhunës dhe pengmarrjes. Në kërkim mbeten ende Ergys Agasi dhe Ermal Beqiri.

Në fund të Prillit, Prokuroria sekuestroi 52 prona, llogarive bankare dhe pasurive të tjera me vlerë 40 milionë euro që i përkisnin të të pandehurve të kësaj dosjeje.