Është shtyrë sërish seanca në Gjykatën e Posaçme, ndaj ish-ministrit të Mbrojtjes, Fatmir Mediu. Seanca e radhës do të jetë më datën 8 shtator 2023.
Ky i fundit, përmes avokatëve ka hequr dorë nga gjykimi i shkurtuar. Pas rreth 2 orësh në seancë, gjykata është tërhequr për të marrë një vendim. Avokatët kanë bërë me dije se në gjykimin e zakonshëm do të kërkojnë ekspertizë të re për shkaqet e shpërthimit, ndërsa do të pyesin dhe dëshmitarë që nuk janë pyetur më herët.
Ndërsa avokati mbrojtës i Mediut i kërkoi Gjykatës shtyrje të seancës me pretendimin se ditën e sotme pritet vendimi nga ana e Gjykatës së Lartë për një kërkesë që familja Durda ka bërë më 15 shtator të 2015 për pushim apo jo të çështjes.
Lidhur me këtë kërkesë Dorjan Matlia avokati i familjes Durda kërkoi vijimin e seancës pasi sipas tij ai dhe familja që përfaqëson janë tërhequr nga kjo kërkesë.
Pas dy kërkesave, Gjykata u tërhoq në dhomë këshillimi për marrjen e një vendimi.
Më parë Gjykata e Posaçme e Shkallës së Parë për Korrupsionin dhe Krimin e Organizuar vendosi pranimin e familjarëve të viktimave të Gërdecit si palë në procesin kundër ish ministrit Fatmir Mediu. 26 persona humbën jetën dhe 300 të tjerë u plagosën nga shpërthimi i një baze ushtarake më 15 mars të vitit 2008
Discussion about this post