Për herë të parë pas rihapjes së dosjes së “Gërdecit” ka reaguar ditën e sotme Fatmit Mediu, i cili tha se ai dhe familja e tij janë hetuar në çdo detaj. Sipas tij, çështja për këtë ngjarje është shqyrtuar disa herë dhe pas gjykimit është marrë një vendim rreth saj, duke theksuar se në asnjë moment ai vetë apo avokatët e tij nuk kanë kërkuar pezullimin e gjykimit.
Madje Mediu tha se ai nuk ka pranuar imunitetin që ja jep si të drejtë Kushtetuta. Sipas Mediut, çdo aset që po kërkon të shyrtoj sot SPAK është ezauruar disa vite më parë nga institucionet përgjegjëse.
“Janë gënjeshtra she keqinterpretim i fakteve. Nuk kam reaguar kundër përbaltjes në respekt të atyre të vdekurve dhe familjeve që kanë dhimbje, por duket se kështu u jetë mundësia dhe u hapet rrugët atyre që ndryshojnë të vërtetat. Unë deklarojë s enë atë ngjarje nuk ka pasur asnjë ndikim direkt apo indirekt as nga unë apo as nga familja ime. Nuk ka pasur asnjë presion apo shtysë për marrjen e akteve në ato vite, çdo akt është marrë në bazë të ligjit. Nuk i jam shmangur dorëheqjeve. Është pyetur çdo person në lidhje me mua është bërë edhe përgjim telefoni. Për këtë çështje ka pasur hetime.
Në 2009 avokatët i kanë kërkuar Gjykatës së Lartë të vazhdojnë hetimet dhe jo të mbyllet çështja siç dezinformohet. Unë kam hequr dorë nga imuniteti dhe përfaqësuesit e mi kanë kërkuar vazhdimin e gjykimit. Ajo çka SPAK që sot kërkon janë çështje të shqyrtua në 2014 dhe 2018 nga Prokuroria e Tiranës dhe është vendosur mos hapja për shqyrtim i kësaj çështje. Të tjerat janë dezinformime dhe përdorin dhimbjen e familjarëve”, tha ai.
Kujtojmë se, Gjykata e Posaçme ka vendosur që të rihapë çështjen “Gërdeci”, duke nisur rigjykim për ish-ministrin e Mbrojtjes Fatmir Mediu, për shpërthimin në mars të 2008 ku humbën jetën 26 persona.
SPAK iu drejtua në muajt e parë të vitit Gjykatës së Lartë me kërkesën për revokimin e vendimit të 2009 që pushoi çështjen ndaj Mediu me arsyetimin se nuk mund të gjykohet pasi ishte me imunitet.
Discussion about this post