Në Gjykatën e Posaçme u zhvillua seanca gjyqësore për çështjen e ‘Gërdecit’.
Ish-ministri i Mbrojtjes, Fatmir Mediu nuk është paraqitur në seancë, ndërsa mungon edhe avokati i tij mbrojtës Ardian Visha. I pranishëm ishte vetëm avokati Henrik Ligori.
Prokurori Klodian Braho kërkoi që të vazhdojë seanca në mungesë të Mediut, kërkësa u pranua nga gjyqtarja Irena Gjoka, e cila vendosi që ish-ministri të mbrohet vetëm nga avokati Ligori.
Gjykata relatoi që në sekretarinë e gjykatës janë paraqitur pyetjet me shkrim për ekspertët. Në total 113 pyetje janë paraqitur nga mbrojtja e Mediut, ndërkohë në seancë nuk është paraqitur një nga ekspertët.
Eksperti Ymer Stafa ka njoftuar gjykatën se mungon për arsye shëndetësore.
Gjykata, në kushtet kur eksperti i pestë nuk është paraqitur, vendosi të shtyjë seancën për në 31 korrik.
Gjykata vendos iqë ekspertët të paraqesin një akt të vetëm me përgjigjet e pyetjeve dhe pyetjet shtesë nga avokatët e Mediut. Sipas gjykatës, përgjigjet duhet të jenë nënshkruar nga 5 ekspertët duke deklaruar se janë nënshkruar në mënyrë kolegjiale.
Gjykata la një afat maksimal prej dy javësh për përgjigjen e pyetjeve.
Discussion about this post