‘Gërdeci’, shtyhet seanca për tre ditë

Seanca gjyqësore për çështjen Gërdeci është shtyrë sërish ditën e sotme.

Shkak për shtyrjen e seancës është bërë kërkesa e avokatit të familjarëve të viktimave për të pasur më shumë kohë për t’u njohur me provat.

Po ashtu dhe avokati mbrojtës i viktimave të Gërdecit kërkoi që të thirren dhe 12 dëshmitarë të tjerë në proces. Ndër dëshmitarët janë dhe ish-kreu i Bashkisë së Vorës Fiqiri Ismaili dhe Ifraim Diveroli.

SPAK kërkoi rigjykimin e Mediut, pasi e akuzon si një nga ish zyrtarët përgjegjës për tragjedinë e Gërdecit, me 26 të vrarë dhe qindra të plagosur. Gjykata e Lartë vendosi t’ia dërgojë këtë çështje për kompetencë GJKKO-së, me arsyetimin se me ndryshimet e fundit ligjore në kuadër të reformës në drejtësi, i takon asaj ta shqyrtojë dosjen penale ndaj ish-zyrtarit të lartë.