“Gërdeci”/ SPAK kërkon 52 dëshmitarë, mes tyre Shkëlzen Berisha dhe..

SPAK i ka kërkuar Gjykatës të thirret si dëshmitar në procesin e Fatmir Mediut në lidhje me “Gerdecin”, Shkëlzen Berishën.

Gjithashtu, SPAK ka kërkuar si dëshmitar edhe Aldo Bumçin.

Ministria e Drejtësisë, me ministër asokohe Aldo Bumçin ka qenë një nga organet kompetente për të gjithë praktikën e ndërtimit të fabrikës së armëve.

Në një shkresë, e cila tanimë është bërë publike nga kjo ministri ka pasur edhe një shënim për Shkëlzen Berishën.

Përveç Bumçit dhe Berishës, SPAK ka kërkuar edhe 50 dëshmitarë të tjerë.

Mësohet se seanca e radhës do të mbahet më 29 shtator, ora 14:30.

Kujtojmë që për Fatmir Mediun tanimë ka nisur gjykimi i zakonshëm, pasi prokuroria pranoi kërkesën e tij për të hequr dorë nga gjykimi i shkurtuar.