Geroni dhe Olsi kontrollojnë vëllezërit…

Nga Basir Çollaku

Gjykatat italiane e kanë dënuar me 7.2 vite burg për trafik ndërkombëtar droge Geron Agron Xhafën, vëllanë e Fatmir Xhafës.

Gjykata e Apelit në Tiranë, dënon me burg për kallëzim të rremë, kallëzim i pabërë, deputetin Ervin Salianji, sepse thotë se Geron Agron Xhafa, është trafikant ndërkombëtar droge, siç drejtësia italiane ka vendosur. Nuk e njeh vendimin e vendit fqinj.

Mjerisht, prokurorë e gjyqtarë të çdo niveli e strukture, të cilët konsiderojnë Kod Penal, Kod Procedure dhe Kushtetutë oreksin “Rama” janë shtuar. Më ka ndodhur jo pak raste të bisedoj për çështje në hetim e gjykim kur prokurorë e gjyqtarë u thonë zëmekur përfaqësuesve ligjorë..

“…Ti ke të drejtë po ç’të të them, nuk e bëj dot, se ata lart më kërkojnë tjetër gjë. Nga t’ia mbajmë, do hamë bukë…”  E të tjera kinezëri justifikuese. Këto kafshatxhinj,  janë soj butakësh, eunukësh të tredhur pavarësisht gjinisë. Duke dënuar Salianjin, Rama ngushëllon Fatmir, Komisionerin e kontrollit të Reformës dhe mbron vëlla Olsin nga Xibraka. Çuditërisht, ndërkombëtarët e shpuar të ndenjurave për shashkat ndaj bashkiakut Veliaj, të fërkuar pas tyre, sot u ngrysën gjuhëngrenë maceve dhe janë firuar. Gjykata Kushtetuese jep shenja Kuplaraje. Vendimet nuk ia njeh qeveria. KM-shfrenuari dështak nga USA ku vreros Kosovën dhe miklon shtet-Mondin, harbon zeher ndaj Bardhit, kallëzuesit të vëllait, duke qortuar SPAK për vonesat ndëshkuese. Me këtë qoftëlarg normalët nuk mund të mendojnë se e kanë të gjatë. 2025 nëse nuk ndizet shkrepëse radikale kundër së keqes, do të jetë viti i rithemelimit zyrtar të Diktaturës.

Parlamenti duhet destabilizuar siç ndodhi muaj më parë.

Ndërkombëtarët mbështetës të Ramës duhen refuzuar.

Duhet shkërmoqur plani i shtet babave për pastrim parash e të tjera telashemëdha prurëse.

Protestat duhen radikale në ekstrem.

Duhen bërë transparente gjithë lidhjet KM-qeveri Mafia, ku janë bashkë të përfshirë policë, prokurorë, gjyqtarë mediatikë, biznese, diplomatë, bashkiakë dhe banditë.

Nesër është shumë vonë.

*Marrë nga “FB” i autorit