Steven Gerrard ka fituar disa pozita në renditjen speciale të trajnerëve, pasi mori detyrën në klubin e Al-Etiffaq në Arabinë Saudite. Shuma prej 20 milionë dollarësh pa taksa (15.2 milionë paund) do të thotë se ish-mesfushori i Liverpulit do të paguhet vetëm fare më pak sesa 16 milionë paundët në vit që përfiton trajneri i Liverpulit Jurgen Klopp.
Dhe vetëm Diego Simeone i Atletikos së Madridit (30 milionë paund) dhe Pep Guardiola i Mançester Sitit (20 milionë paund) paguhen me shumë sesa Gerrard. Ishte edhe kjo ofertë e madhe parash që më në fund e bindi ish-trajnerin e Rejnxhërsave dhe Aston Vilës që të bënte lëvizjen e diskutueshme në Lindjen e Mesme.
Tani Gerrard shpreson që të bindë ish-shokun e skuadrës në “Anfield”, Xhordan Henderson që t’i bashkohet klubit me një marrëveshje prej 700.000 paundësh në javë.
Vilfrid Zaha i Kristal Palasit është një tjetër lojtar në vëmendjen e legjendës së Liverpulit dhe sulmuesit pa kontratë i ofrohen rreth 16 milionë paund në vit.
Zaha ende nuk është bindur plotësisht për të bërë lëvizjen në Arabinë Saudite. Por këto shifra të larta mund ta bindin atë që të refuzojë një marrëveshje të re me Kristal Palasin dhe të mos qëndrojë në Premier Ligë. Al-Etifaq është klubi i Damamit, qytetit të katërt më të madh të Arabisë Saudite.
Discussion about this post