Ministrja e MPJD-së, Donika Gërvalla ka reaguar pas publikimit të pamjeve të reja të grupit terrorist që sulmoi policinë në veri, në të cilat shihet edhe nënkryetari i Listës Serbe, Milan Radioçiç.
Gërvalla në platformën “X” ka shkruar se këto pamje janë dëshmi të pakundërshtueshme se Radoiçiç, bashkëpunëtor i ngushtë i Vuçiçit, ka udhëhequr grupin terrorist që sulmoi policinë e Kosovës.
“Dëshmi të pakundërshtueshme se Radoiçiç, bashkëpunëtor i ngushtë i Vuçiçit, ka udhëhequr grupin terrorist që sulmoi policinë e Kosovës. Vuçiç është një eksportues i terrorizmit dhe jostabilitetit”, ka shkruar Gërvalla.
Ajo ka kërkuar nga komuniteti ndërkombëtar që të ndërmarrë veprime për ruajtje të stabilitetit.
“Kjo duhet të jetë një thirrje zgjimi për komunitetin ndërkombëtar që të ndërmarrë veprime vendimtare për të ruajtur stabilitetin”, ka shkruar Gërvalla.
Discussion about this post