Ministrja e Punëve të Jashtme, Donika Gërvalla i ka reaguar deklaratave të kryediplomatit evropian, Josep Borell, pas zhvllimeve të sotme.
Gërvalla përmes një postimi në Twitter, ka pyetur nëse BE po bën thirrje për mos t’i ndëshkuar ata që sulmuan NATO-n.
Ajo ka shtuar se policia ka prova të qarta se i arrestuari i sotëm, ka marrë pjesë në sulmin kundër NATO-s.
“A po bën thirrje BE-ja për mosndëshkim për ata që sulmuan NATO-n? Policia ka prova të qarta se personi i arrestuar sot ka marrë pjesë në sulmin kundër NATO-s më 29 maj.
Arrestimi u bë në bazë të nenit 71 të Kodit të Procedurës Penale të Kosovës, kështu që nuk ka asgjë jashtëgjyqësore.” – tha ajo.
Edhe Kurti e ka hedhur poshtë deklaratën e Borrell i cili i konsideroi arrestimet të paligjshëm, duke thënë se është bërë sipas ligjit të shtetit demokratik të Kosovës.
Discussion about this post