Deputeti i PD-së, Lefter Gështenja, nga studion e emisionit “Now” tha se në aferën e inceneratorëve është i përfshirë i gjithë zinxhiri qeveritar. Gështenja tha se në këtë aferë gjithashtu janë të përfshirë edhe kryebashkiakë, ndërsa shtoi se është i bindur që do të shohim ish-zyrtarë dhe ish-ministra që do të përballen me drejtësinë.
Por, sipas Gështenjës, Arben Ahmetaj, ish-zv.Kryeministër, është maja e ajsbergut e kësaj afere.
“Rasti i Ahmetajt është maja e ajsbergut. i gjithë zinxhiri qeveritar përfshirë dhe drejtuesit vendor janë pjesë e kësaj afere.
Nëse njëra nga hallkat nuk do të funksiononte nuk do të jepeshin koncesione për inceneratorët. i vetmi njeri që mund t’i shpëtojë këtij zinxhiri është Shkëlqim Cani.
Unë jam i bindur që do të ketë ish-zyrtarë dhe ish-ministra që do të shkojnë para drejtësisë”, tha ai.
Discussion about this post