Pavarësisht se kjo ndeshje ka përfunduar pa shumë debate nëpër media, Getafe kërkon të marrë fitoren ndaj Real Madridit dhe, për këtë, ka vendosur të denoncojë klubin.
Pse? Epo, sipas klubit modest nga periferia e kryeqytetit spanjoll, Asensio duhej të ishte zëvendësuar e jo Camavinga.
Getafe ka depozituar një ankesë kundër Real Madridit në Komitetin e Garave për një aktivizim të paligjshëm të pretenduar, sipas ‘Marca’. Skuadra “azulón” konsideron se “Los Blancos” e kanë bërë një nga zëvendësimet në mënyrë të paligjshme.
Ky episod kaloi pa shumë debate, ditët e fundit, pasi u dëshmua se nuk po shkeleshin rregulloret. Gjithçka ndodhi kur Ancelotti kreu zëvendësimin e Asensios për Odriozolën, por sulmuesi nga Majorka frenoi para se të largohej nga fusha me Camavingan që në fund ishte ai që u largua.
Real Madrid do të ofrojë këndvështrimin e vet
Getafe pretendoi se Odriozola kishte hyrë tashmë në fushë dhe për këtë arsye zëvendësimi ishte bërë tashmë . Në këtë mënyrë ata konsiderojnë se Asensio duhet të largohej nga fusha dhe jo Camavinga.
RFEF ka transferuar te zyrat e klubit mbretëror, ankesën e bërë nga Getafe gjatë orëve të fundit. Klubi i bardhë do të ketë tre ditë kohë për të paraqitur pretendimet që ata i konsiderojnë të rëndësishme në mënyrë që Komisioni i Garave të mund t’i vlerësojë më vonë.
Ky është dënimi me të cilin mund të përballet Real Madrid
Neni 79 i Kodit Disiplinor të RFEF është shumë i qartë në lidhje me aktivizimin e paligjshëm të lojtarëve dhe ka vetëm një sanksion të mundshëm: “Klubi që aktivizon në mënyrë të gabuar një futbollist (…) do të konsiderohet i humbur, duke e shpallur fitues kundërshtarin me rezultat tre gola me zero”.
Ndaj Getafe do të mundohet, me të gjitha forcat, që të marrë tre pikë shumë të çmuara për mbijetetsën. Te Real Madridi janë të qetë, pasi e dinë që zëvendësimi është bërë sipas rregullores dhe akuzat do të bien poshtë.
Discussion about this post