Getinjo ishte i ftuar mbrëmjen e djeshme në rubrikën “5 datat” në “Prive”, ku rrëfeu ngjarje të cilat deri më sot i kanë ditur vetëm të afërm të tij.
Mes shumë datave të rëndësishme në jetën e tij, ai veçoi vitin 2011, kur ka publikuar këngën e parë me videoklip.
Në fakt kjo këngë nuk ka qenë e zakontë për të, pasi brenda ka një histori shumë prekëse që lidhet drejtpërdrejtë me jetën e reperit.
Reperi u shpreh se në këngë ai tregon historinë e dashurisë me një vajzë, e cila mbeti shtatzënë.
Për asrye të panjohura ata të dy të nuk mundën ta vazhonin romancën dhe vajza u largua me familjen jashtë vendit, duke abortuar edhe fëmijën.
‘’Është e bazuar në histori të vërtetë. Vetëm shokët e mi të ngushtë e dinë dhe bëjnë shaka shpesh me mua dhe më thonë imagjino të vijë një fëmijë të thotë ti je babai im. Atë vajzën nuk e kam parë më kurrë, ka ikur jashtë vendit me gjithë familjen. Ajo e ka abortuar fëmijën nga informacionet që kam. Këtë këngë e kam bërë vetëm për t’ia çuar asaj jo për ta publikuar. Kënga doli pa pëlqimin tim nga studio ku e kisha regjistruar”, rrëfeu Getinjo.
Sa i përket jetës së tij private Getinjo tha se nuk ka asgjë të re, ose më saktë diçka serioze, edhe pse përflitet herë pas here për histori dashurie me vajza të njohura.
