Oliver Giroud po jeton muajt e fundit me Milanin. Sulmuesi francez është pjesë e kuqezinjve prej korrikut të vitit 2021, kur la Chelsean për të provuar eksperiencën e parë italiane.
37-vjeçari ka bërë mjaft mirë me skuadrën e Stefano Piolit gjatë këtyre viteve. Duke dhënë kontribut të madh me golat (46) dhe asistet e tij.
Por, e ardhmja lidhet me MLS-në amerikane. Shtypi sportiv italian raporton se Giroud ka gjetur marrëveshjen finale me Los Angeles FC pas bisedimeve që kanë zgjasin prej javësh.
Sulmuesi i kombëtares së Francës, do të firmosë për 18 muaj me skuadrën amerikane. Dhe në verë do t’i japë fund aventurës në futbollin europian.
Giroud, i cili gjatë kësaj kohe ka krijuar një lidhje të veçantë me Milanin, shokët, stafin teknik dhe tifozët, shpreson që të fitojë Europa League përpara se të përshëndetet me popullin kuqezi.
Discussion about this post