Dy motra kanë dhunuar nusen e vëllait të tyre, ndërsa fëmijët e moshës 3 dhe 1 vjeç, i kanë nxjerrë nga shtëpia. Ngjarja ka ndodhur në fshatin Qifllak të Gjakovës dhe është konfirmuar nga zëdhënësi i Policisë së Kosovës për Rajonin e Gjakovës, Nysret Gjurkaj. Ai ka njoftuar se e dhunuara ka denoncuar në polici rastin dhe i janë kthyer sërish fëmijët e mitur. Ndërkohë nëna së bashku me fëmijët janë strehuar tek familjarët e tyre.
Raportohet se e dhunuara kishte lëndim të lehtë në dorën e djathtë të shkaktuar nga dhuna e ushtruar nga kunatat e saj. Njëra nga dy kunatat është intervistuar nga policia, ndërsa tjetra nuk është ndodhur në banesë kur policia ka kërkuar ta shoqërojë në komisariat, ndaj është shpallur në kërkim.
Discussion about this post