Në fshatin Vrapçisht të Gostivarit ka ndodhur një ngjarje e rëndë. Ditën e sotme, një familje teksa do të varrosnin nënën e tyre pasi kishte humbur jetën nga COVID, në vend të trupit të saj nga morgu i Shkupit, kanë marrë trupin e një burri.
Sipas TV21 ngjarja e rëndë ka ndodhur mëngjesin e sotëm në Shkup. Fëmijët teksa shkruan në morgun e Klinikës Infektive në Shkup, punonjësit në vend të arkivolit me trupin e saj i kanë dhënë një arkivol të një burri. Familjarët kanë hapur arkivolin në shtëpi, dhe kur kanë parë trupin e viktimës kanë njoftuar autoritetet.
Momentalisht familjarët e viktimës ndodhen në Klinikën Infektive dhe po kërkojnë trupin e të afërmes së tyre. Ndërkohë që deri tani nuk ka asnjë reagim nga autoritetet.
