Në një intervistë për Zërin e Amerikës, deputeti demokrat Agron Gjekmarkaj se Lulzim Basha u tërhoq, pasi humbi dy palë zgjedhje, por tani i takon Sali Berishës të tërhiqet, pasi ka konsumuar kohën e tij politike dhe historike. Gjekmarkaj u shpreh se PD duhet të ndahet nga Berisha, ndërsa i kërkoi ish-Kryeministrit që të tërhiqet. Sipas tij, demokratët në bazë kërkojnë bashkimin.
“Demokratët në bazë kërkojnë bashkimin, por çdo proces i njëanshëm nuk sjell bashkimin” – tha Gjekmarkaj.
Ai shtoi se kultura e një lideri që kontrollon gjithçka duhet të marrë fund, pasi kjo bën që një lider çdo gjë ta kthejë në interes të liderit.
“Nuk do të jem as deputet i Berishës dhe as i Bashës. Nuk do të marr pjesë në asnjë mbledhje të Grupit Parlamentar” – tha Gjekmarkaj.
Ai e konsideroi si fatkeqësi faktin se gjithçka lihet në dorën e një njeriu, ndërsa e konsideroi Grupin Parlamentar si institucionin më legjitim në PD.
“Nuk është aspak e drejtë të mendohet se në PD nuk paska burra e gra që mund të marrin drejtimin e kësaj partie” – tha deputeti demokrat.
Gjithashtu ai e konsideroi si farsë procesin e zgjedhjes së Presidentit, të inicuar nga Edi Rama.
Discussion about this post