Gjekmarkaj prezanton kandidatin për deputet në Mirditë

Drejtuesi i Partisë Demokratike për qarkun Lezhë, Agron Gjekmarkaj, ka prezantuar sot kandidatin për deputet, Aleksandër Lala, përpara banorëve të Fanit në Mirditë. Në një postim në rrjetet sociale, Gjekmarkaj ka ftuar qytetarët që të votojnë Partinë Demokratike më 11 maj, për të sjellë ndryshimin e duhur dhe për të ndërtuar një të ardhme më të mirë për Mirditën dhe Shqipërinë.

„Të nderuar banorë të Fanit, vëllezër dhe motra mirditorë, Jemi mbledhur për një qëllim të madh: për të sjellë ndryshimin dhe për të rikthyer shpresën në Mirditë! Pavarësisht sfidave dhe emigracionit që ka prekur çdo familje, ne besojmë se me vizionin dhe përkushtimin e duhur, mund ta ndërtojmë të ardhmen që meritojmë!”, tha Gjekmarkaj, duke shtuar se Aleksandër Lala është një kandidat i denjë, një intelektual dhe administrator me 34 vite përvojë.

Në përkrahje të Lalës, ai ka ftuar qytetarët që të zgjedhin zhvillimin dhe përfaqësimin e denjë për Mirditën dhe Shqipërinë në zgjedhjet e ardhshme. “Le të votojmë për Partinë Demokratike, për një Mirditë më të fortë dhe një Shqipëri më të drejtë”, u shpreh Gjekmarkaj.

Postimi i drejtuesit politik të PD për qarkun Lezhë, Agron Gjekmarkaj:

Të nderuar banorë të Fanit, vëllezër dhe motra mirditorë,

Jemi mbledhur për një qëllim të madh: për të sjellë ndryshimin dhe për të rikthyer shpresën në Mirditë! Pavarësisht sfidave dhe emigracionit që ka prekur çdo familje, ne besojmë se me vizionin dhe përkushtimin e duhur, mund ta ndërtojmë të ardhmen që meritojmë!

Së bashku me kryetarin e Partisë Demokratike të Mirditës, z. Aleksander Picaku, dhe kryetarin e Bashkisë Mirditë, z. Albert Melyshi, prezantuam kandidatin tonë për deputet, z. Aleksandër Lala, një bir të denjë të kësaj treve, një intelektual dhe administrator me 34 vite përvojë në shërbim të komunitetit. Ai e njeh Mirditën, e kupton nevojat e saj dhe ka vullnetin për të sjellë ndryshimin që të gjithë presim!

Më 11 maj, është momenti për të zgjedhur zhvillimin dhe përfaqësimin e denjë! Le të votojmë për Partinë Demokratike, për një Mirditë më të fortë dhe një Shqipëri më të drejtë!

Rroftë Mirdita! Rroftë Shqipëria! Fitore më 11 maj✌️