Deputeti demokrat, Agron Gjekmarkaj komentoi situatën aktuale të PD-së dhe nismën e ish-kryeministrit Sali Berisha për ngritjen e Kuyvendit Kombëtar me 11 dhjetor.Gjekmarkaj pranoi se Partia Demokratike po kalon një krizë dhe sipas tij e rëndësishme mbetet e ardhmja e partisë.
Lidhur me vërtetësinë e firmave për Kuvendin Kombëtar, Gjekmarkaj nënvizoi se ato duhej të ishin bërë publike për aq kohë sa jetojmë në pluralizëm dhe çdokush gëzon liri zgjedhjeje.Sipas tij, mbajtja sekrete e të dhënave ul serioziteti e kësaj nisme dhe krijon vend për ndryshime.
“Sekreti i tyre për mua shtron shumë pikëpyetje dhe ul seriozitetin e procesit që ka ndërmarrë Berisha, i cili për momenti nuk ka as funksion është një individ i pezulluar nga grupi”, tha Gjekmarkaj, ndërsa shtoi: “Sot vërtet flitet për bashkim, por më shumë po shihet përçarje.”
Nëse firmat ekzistojnë, Kuvendi duhet të mblidhet, shton Gjekmarkaj ndonëse nuk është pro ndaj një kongresi që perceptohet si konflikt ndaj SHBA-së.
“Unë jam kundër një kongresi që perceptohet si konflikt ndaj SHBA, por nëse firmat janë atëherë ai duhet të mblidhet.”
Për Gjekmarkajn, vendimi i largimit të Berishës nga PD-ja ishte zgjidhje e vetme e kryedemokratit Basha.
“ Basha mendoj nuk kishte shumë mundësi zgjedhje. Sot askush nuk jep një zgjidhje për problemin me SHBA dhe se si kjo peshë e rëndë që rëndon mbi supet e PD të hiqet.”
Discussion about this post